'ಸಂತ್ರಸ್ತರನ್ನು ನಿರ್ಲಕ್ಷ್ಯಿಸಿ ನಡೆಸುತ್ತಿರುವ ಕೃಷ್ಣದೇವರಾಯನ ಪಟ್ಟಾಭಿಷೇಕ ವಿರೋಧಿಸಿ ಪ್ರತಿಭಟನೆ' ಹಾಗೂ'ನೆರೆ ಸಂತ್ರಸ್ತರ ಪರಿಹಾರ ನಿಧಿ ಲೆಕ್ಕಪತ್ರವನ್ನು ಬಿಡುಗಡೆ'

'ಸಂತ್ರಸ್ತರ ಬದುಕಿನ ಸಮಾಧಿಯ ಮೇಲೆ ಪಟ್ಟಾಭಿಷೇಕ'

ಸದಾ ಬರದಲ್ಲಿ ಮುಳುಗಿದ್ದ ಉತ್ತರ ಕರ್ನಾಟಕವು ಇಂದು ರಾಜ್ಯ ಕಂಡರಿಯದ ಭೀಕರ ನೆರೆ ಹಾವಳಿಗೆ ಸಿಲುಕಿ ನೂರಾರು ಜನ ಬಲಿಯಾಗಿ ಕೋಟ್ಯಾನು ಕೋಟಿ ಜನರು ಬೀದಿ ಪಾಲಾಗಿದ್ದರು. ರಸ್ತೆಬದಿಗಳಲ್ಲಿ ತಗಡುಗಳನ್ನು ಅಡ್ಡಲಾಗಿಟ್ಟುಕೊಂಡು ಮೈಮೇಲೆ ಸರಿಯಾದ ಬಟ್ಟೆಯಿಲ್ಲದೆ. ಕುಡಿಯಲು ಸರಿಯಾದ ನೀರು ಹಸಿವಿಗೆ ಹಿಡಿ ಅನ್ನ ಸಿಗದೆ ಒದ್ದಾಡುವ ಮಕ್ಕಳು, ವೃದ್ಧರ ಆಕ್ರಂಧನ. ನೆರೆಗೆ ಸಿಕ್ಕಿ ಸತ್ತ ಪ್ರಾಣಿಗಳು ಅಲ್ಲಲ್ಲಿ ಬಿದ್ದು ಕೊಳೆಯುತ್ತಿದ್ದವು. ಅವುಗಳನ್ನು ತಿನ್ನಲು ಹದ್ದು-ಕಾಗೆ, ನಾಯಿಗಳು ಸ್ಪರ್ಧೆಗೆ ಇಳಿದಿದ್ದವು. ಕೊಳೆತ ಶವಗಳ ಮೇಲೆ ನೊಣ ಸೊಳ್ಳೆಗಳು ಸಂಸಾರ ಸ್ಥಾಪಿಸಿ ಸಾಂಕ್ರಾಮಿಕ ರೋಗಗಳನ್ನು ಹಬ್ಬುತ್ತಿದ್ದವು. ಪ್ರತಿನಿತ್ಯ ಜನರು ಕಾಯಿಲೆ, ಹಸಿವುಗಳಿಂದ ಹಿಂಸಾತ್ಮಕವಾದ ಜೀವನ ನಡೆಸುತ್ತಿದ್ದರು.

ನೆರೆಪರಿಹಾರಕ್ಕಾಗಿ ರಾಜ್ಯದ ಜನತೆ, ಕೇಂದ್ರ ಸರ್ಕಾರ ಹಾಗೂ ಇತರೆಡೆಗಳಿಂದ ಬಂದ ಸಾವಿರಾರು ಕೋಟಿ ಸಹಾಯ ಧನವನ್ನು ಸರ್ಕಾರ ನೆರೆಪರಿಹಾರಕ್ಕೆ ಸರಿಯಾಗಿ ನಿರ್ವಹಿಸಲಿಲ್ಲ. ಮನೆ ಆಸ್ತಿ ಬದುಕು ಕಳೆದುಕೊಂಡು ಬೀದಿಗಳಲ್ಲಿ ಬಿಸಿಲು ಮಳೆಗೆ ತತ್ತರಿಸಿ ಅನ್ನ ನೀರು ಇಲ್ಲದೇ, ಸಾಂಕ್ರಾಮಿಕ ರೋಗಗಳಿಗೆ ಬಲಿಯಾಗಿ ಸಾಯುತ್ತಿದ್ದರೂ ಭ್ರಷ್ಟ ರಾಜ್ಯ ಸರ್ಕಾರವು ಆರೋಗ್ಯ ಹಾಗೂ ಗಂಜಿ ಕೇಂದ್ರಗಳನ್ನೂ ತೆರೆಯದೇ ಅತ್ಯಂತ ನಿರ್ಲಜ್ಜವಾಗಿ ನಡೆದುಕೊಂಡಿತ್ತು.

ಸಾಲದೆಂಬಂತೆ ಗಣಿ ಲೂಟಿಯ ಜರ್ನಾಧನ ರೆಡ್ಡಿಯ ನೇತೃತ್ವದಲ್ಲಿ ನೆರೆ ಸಂತ್ರಸ್ತರ ಬದುಕುಗಳ ಸಮಾದಿ ಮೇಲೆ ಕೋಟ್ಯಾಂತರ ರೂಪಾಯಿ ಹಣವನ್ನು ವ್ಯಯಿಸಿ ಕೃಷ್ಣದೇವರಾಯನ 500 ಪಟ್ಟಾಭಿಷೇಕವನ್ನು ವಿಜೃಂಭಣೆಯಿಂದ ನಡೆಸುವ ಹೀನವಾದ ಕಾರ್ಯಕ್ರಮವನ್ನು ಹಮ್ಮಿಕೊಂಡಿತ್ತು.

ದೇಶ-ವಿದೇಶಗಳಿಂದ ಮೂರು ಸಾವಿರ ಕಲಾವಿದರನ್ನು ಕರೆಸಿದರು. ನಿತ್ಯ ಸರಾಸರಿ ಸಾವಿರ ಕಲಾವಿದರಿಂದ ವಿವಿಧ ಕಾರ್ಯಕ್ರಮಗಳನ್ನು ನಡೆಸಿದ್ದು ಕೋಟ್ಯಾಂತರ ರೂಗಳನ್ನು ಹಾಳು ಮಾಡಲಾಯಿತು. ನೆರೆ ಪೀಡಿತರನ್ನು ಕಡೆಗಣಿಸಿ 500 ವರ್ಷಗಳ ಹಿಂದಿನ ರಾಜನೊಬ್ಬನ ಪಟ್ಟಾಭಿಷೇಕದ ಹೆಸರಿನಲ್ಲಿ ಖರ್ಚು ಮಾಡಿತು.  3 ದಿನಗಳ ಕಾಲ ಎಲ್ಲಾ ಮಂತ್ರಿಗಳು ಸಂಭ್ರಮದಿಂದ ಪಾಲ್ಗೊಂಡಿದ್ದು ಅಮಾನವೀಯ ನಡತೆಯಾಗಿತ್ತು.

ಇದನ್ನು ಖಂಡಿಸಿ ಜನಾಸ್ತ್ರ ಸಂಘಟನೆಯು ಇತರ ಸಂಘಟನೆಗಳ ಜೊತೆ ಸೇರಿ ಬೆಂಗಳೂರಿನ ಟೌನ್ ಹಾಲ್ ನ ಬಳಿ ಪ್ರತಿಭಟನೆಯನ್ನು ಹಮ್ಮಿಕೊಂಡಿತು.

ಸಂಘಟನೆಯ  ಆದಿತ್ಯರವರು ಮಾತಾಡಿ, 'ರಾಜ್ಯ ಸರ್ಕಾರವು ಸಾವು ನೋವಿಗೆ ತುತ್ತಾದ ಉತ್ತರ ಕರ್ನಾಟಕದ ಜನತೆಯನ್ನು ನಿರ್ಲಕ್ಷ್ಯಿಸಿ ಅವರ ನೋವುಗಳಿಗೆ ಸ್ಪಂಧಿಸದೇ ಕೋಟ್ಯಾಂತರ ರೂಪಾಯಿಗಳನ್ನು ವ್ಯಯಿಸಿ ಕೃಷ್ಣದೇವರಾಯ ಪಟ್ಟಾಭಿಷೇಕದ ಹೆಸರಿನಲ್ಲಿ ದರ್ಬಾರ್ ನಡೆಸಲು ಮುಂದಾಗಿರುವುದು ಮಾನಗೇಡಿತನ. ಜನರನ್ನು ಲೂಟಿ ಮಾಡಿ ವಂಶಪಾರಂಪರ್ಯದ ಆಡಳಿತ ದಬ್ಬಾಳಿಕೆಯನ್ನು ಹೇರುತ್ತಿದ್ದ ರಾಜರ ವ್ಯವಸ್ಥೆಯಿಂದ ಮುಕ್ತಗೊಂಡು ಪ್ರಜಾಪ್ರಭುತ್ವ ವ್ಯವಸ್ಥೆ ಜಾರಿಯಲ್ಲಿರುವಾಗ ಕನ್ನಡ ವಿರೋಧಿ ರಾಜನೊಬ್ಬನ 500 ವರ್ಷಗಳ ಪಟ್ಟಾಭಿಕ್ಷೇಕವನ್ನು ನಡೆಸುತ್ತಿರುವುದು ಪ್ರಜಾಪ್ರಭುತ್ವ ವ್ಯವಸ್ಥೆಗೆ ಮಾರಕ ಇದೇ ರೀತಿಯ ತಾರತಮ್ಯ ಮುಂದುವರೆದರೆ ಮುದೊಂದು ದಿನ ಉತ್ತರ ಕರ್ನಾಟಕದ ಜನತೆ ತಕ್ಕ ಪಾಠ ಕಲಿಸುವುದು ಸ್ಪಷ್ಟ' ಎಂದು ಎಚ್ಚರಿಕೆ ನೀಡಿದರು.

ಸಮಾನತಾ ಮಹಿಳಾ ವೇದಿಕೆಯ ಮಲ್ಲಿಗೆ ಮಾತನಾಡಿ ಕೃಷ್ಣದೇವರಾಯನ ಆಳ್ವಿಕೆ ಜನಪರವಾಗಿರಲಿಲ್ಲ. ಅವನ  ಆಳ್ವಿಕೆಯಲ್ಲಿ ಸುಮಾರು 750 ರೈತ ದಂಗೆಗಳು ಆಗಿರುವುದೇ ಇದಕ್ಕೆ ಉದಾಹರಣೆ. ಕರ್ನಾಟಕದ ಸಂಪತ್ತನ್ನು ಲೂಟಿ ಮಾಡಿ ಸ್ಥಳೀಯರನ್ನು ಹಿಂಸಾತ್ಮಕ ಬದುಕಿಗೆ ತಳ್ಳಿದ ಕೃಷ್ಣದೇವರಾಯನ ಹುಟ್ಟುಹಬ್ಬಕ್ಕೆ ಸರ್ಕಾರ ಅಪಾರ ಹಣವನ್ನು ವ್ಯಯಿಸುತ್ತಿರುವುದು ಹಾಗೂ ನೆರೆಗೆ ಬಲಿಯಾಗಿ ಬೀದಿಪಾಲಾದ  ಉತ್ತರ ಕರ್ನಾಟಕದ ಜನರನ್ನು ನಿರ್ಲಕ್ಷಿಸಿದೆ'  ಎಂದು ಖಂಡಿಸಿದರು.

ಹೃದಯ ಹೀನ ಕ್ರಿಕೆಟಿಗರು

ರಾಜ್ಯದ ಜನತೆ ಸಂಕಷ್ಟದಲ್ಲಿದ್ದಾಗ ರಾಜ್ಯದ ಜಿಲ್ಲೆಗಳ ಹೆಸರಿನಲ್ಲಿ ಜೂಜು ಆಡಿದ ಕ್ರಿಕೆಟ್ಟಿಗರು ಶೋಕಾಚರಣೆಯನ್ನೂ ಮಾಡದೇ ದುವರ್ತನೆ ತೋರಿದರು. ನಂತರ ರಾಯಲ್ ಚಾಲೆಂಜರ್ಸ್ನ ನಾಯಕ ಅನಿಲ್ ಕುಂಬ್ಳೆ ಕ್ರಿಕೆಟ್ ಪಂದ್ಯವನ್ನು ಆಯೋಜಿಸಿ ಆ ಹಣವನ್ನು ಸಂತ್ರಸ್ತರಿಗೆ ನೀಡುವುದಾಗಿ ಪ್ರಕಟಿಸಿದ್ದರು. ಆದರೆ ಅವರ ಆಷಾಡಭೂತಿತನ ಶೀಘ್ರದಲ್ಲೇ ಬಯಲಾಯಿತು. ಅವರಿಂದ ಅಂತಹ ಯಾವುದೇ ಕಾರ್ಯಕ್ರಮ ಹಮ್ಮಿಕೊಳ್ಳುವ ಪ್ರಯತ್ನವೇ ಆಗಲಿಲ್ಲ.

ಬೆಂಗಳೂರಿನಲ್ಲಿ ಐಪಿಎಲ್ 20-20 ಉದ್ಘಾಟನಾ ಕಾರ್ಯಕ್ರಮಕ್ಕೆ ಕೋಟಿ ಕೋಟಿ ವ್ಯಯಿಸಿ ಉನ್ಮಾದ ಮೆರೆದ ಕ್ರಿಕೆಟ್ ಸಂಸ್ಥೆಗಳು ಕನಿಷ್ಠ ಆ ಉದ್ಘಾಟನ ಕಾರ್ಯಕ್ರಮವನ್ನು ಸರಳವಾಗಿ ನಡೆಸಿ ಆ ಹಣವನ್ನು  ನೀಡಿದ್ದರೂ ಉತ್ತರ ಕರ್ನಾಟಕದ ಜನತೆಗೆ ಎಷ್ಟೋ ಅನುಕೂಲವಾಗುತ್ತಿತ್ತು. ಅಕ್ಷರಶಃ ಸ್ಮಶಾನದಂತಾಗಿದ್ದ ರಾಜ್ಯದ ರಾಜಧಾನಿಯಲ್ಲಿ ತಮ್ಮ ಪೈಶಾಚಿಕ ವೈಭವವನ್ನು ಮೆರೆದ ಕ್ರಿಕೆಟಿಗರ ರಾಜ್ಯಾಭಿಮಾನದ ನಯವಂಚಕತನ ರಾಜ್ಯದ ಜನತೆಯ ಮುಂದೆ ಬಹಿರಂಗಗೊಂಡಿತು. ತಮಗೆ ಎಲ್ಲವನ್ನೂ ನೀಡಿದ ರಾಜ್ಯದ ಜನತೆ ಬೀದಿಪಾಲಾದಾಗ ತಮ್ಮ ಮೋಜಿನಲ್ಲಿ ಮೈಮರೆತ ಆಟಗಾರರು ಕೂಡಲೇ ಅವರು ಜನತೆಯ ಕ್ಷಮೆಯಾಚಿಸಲಿ ಎಂದು ಛೀಮಾರಿ ಹಾಕಲಾಯಿತು.

'ನೆರೆ ನಿಧಿ ನುಂಗಿದೆಷ್ಟು ಲೆಕ್ಕ ಕೊಡಿ'

ಹಲವಾರು ಮಠಗಳು ಸಂಘ ಸಂಸ್ಥೆಗಳು ಸಾರ್ವಜನಿಕರಿಂದ ಸಂಗ್ರಹಿಸಿದ ಪರಿಹಾರ ನಿಧಿಯ ಬಗ್ಗೆ ಈವರೆಗೂ ಸಾರ್ವಜನಿಕ ಲೆಕ್ಕಪತ್ರವನ್ನು ಬಿಡುಗಡೆ ಮಾಡದಿರುವುದನ್ನು ಸಂಘಟನೆ ಖಂಡಿಸುತ್ತದೆ. ಈ ಕೂಡಲೇ ನಿಧಿ ಸಂಗ್ರಹಿಸಿದ ಮಠಮಾನ್ಯಗಳು, ಸಂಘ-ಸಂಸ್ಥೆಗಳು ನಿಧಿ ಸಂಗ್ರಹಣೆಯ ವಿವರ ಬಹಿರಂಗ ಪಡಿಸಲು ಸಂಘಟನೆ ಒತ್ತಾಯಿಸಿತು.

ರಾಜ್ಯದ ಅಭಿವೃದ್ಧಿಗೆ ದುಡಿಯುತ್ತಿರುವ ಜನರನ್ನು ಹಾಗೂ ಹೈದರಾಬಾದ್ ಕರ್ನಾಟಕವನ್ನು ನಿರ್ಲಕ್ಷ್ಯಿಸುವುದನ್ನು ಸಂಘಟನೆ ತೀವ್ರವಾಗಿ ಖಂಡಿಸಿತು. ಸರ್ಕಾರವು ಈ ಕೂಡಲೇ ಉತ್ತರ ಕರ್ನಾಟಕದ ನೆರೆ ಸಂತ್ರಸ್ತರಿಗೆ ಯಾವುದೇ ಭೇದವನ್ನು ತೋರದೇ ಸೂಕ್ತ ಪರಿಹಾರ ನೀಡಬೇಕು. ಪರಿಹಾರದ ಹೆಸರಿನಲ್ಲಿ ಆಗುತ್ತಿರುವ ತಾರತಮ್ಯ ಹಾಗೂ ಭ್ರಷ್ಟಾಚಾರವನ್ನು ತಡೆಯಬೇಕೆಂದು ಆಗ್ರಹಿಸಿತು. ಮುಂದಿನ ದಿನಗಳಲ್ಲಿ ನೆರೆ ಸಂತ್ರಸ್ತರನ್ನು ನಿರ್ಲಕ್ಷಿಸಿದ ಕ್ರಿಕೆಟ್ ಪಟುಗಳು ಹಾಗೂ ಸರ್ಕಾರದ ವಿರುದ್ಧ ಸಂಘಟನೆಯು ರಾಜ್ಯದಾದ್ಯಂತ ಜನರನ್ನು ಸಂಘಟಿಸಿ ಆಂದೋಲನವನ್ನು ರೂಪಿಸಿ ಹೋರಾಟ ಕೈಗೊಳ್ಳುತ್ತದೆ ಎಂಬ  ಉದ್ಘೋಷಣೆಯೊಂದಿಗೆ ಜನಾಸ್ತ್ರ ಸಂಘಟನೆಯು ಪ್ರತಿಭಟನೆಯನ್ನು ಯಶಸ್ವಿಗೊಳಿಸಿತು.

ಉತ್ತರ ಕರ್ನಾಟಕದ  ನೊಂದ ಬಂಧುಗಳಿಗೆ ಸಂಘಟನೆಯು ಸಾರ್ವಜನಿಕರಿಂದ ಸಂಗ್ರಹಿಸಿದ ನಿಧಿ ವಿನಿಯೋಗಿಸಲು ನೆರೆಪೀಡಿತ ಪ್ರದೇಶಗಳಲ್ಲಿ ಜನಪರ ಸಂಘಟನೆಗಳೊಂದಿಗೆ ಸಮೀಕ್ಷೆ ನಡೆಸಿ 6-11-2009 ರಿಂದ 3ದಿನಗಳು ಸ್ವಯಂಸೇವಕ ತಂಡದೊಂದಿಗೆ ನೆರೆಪೀಡಿತ ಹೆಗ್ಗಸನಹಳ್ಳಿ ಗುರ್ಜಾಪುರ, ಕೋಳೂರು ಹಳೇ ತುಂಗಭದ್ರ ಗ್ರಾಮಗಳಿಗೆ ಪರಿಹಾರ ಹಂಚಲಾಯಿತು. ಸಂಘಟನೆ ಈ ಮೊದಲು ಪತ್ರಿಕಾಗೋಷ್ಠಿ ಕರೆದು ನಿಧಿ ಸಂಗ್ರಹಿಸುವ ಸಂಘ-ಸಂಸ್ಥೆಗಳು, ಮಠಮಾನ್ಯಗಳು ಹಾಗೂ ಸರ್ಕಾರ ಸಾರ್ವಜನಕರಿಗೆ ಪಾರದರ್ಶಕತೆಯನ್ನು ಕಾಪಾಡಲು ಕರೆನೀಡಿತ್ತು. ಸಂಘಟನೆಯು ತನ್ನ ನಿಲುವಿಗೆ ಬದ್ಧವಾಗಿ ಪರಿಹಾರ ನಿಧಿಯ ಲೆಕ್ಕಪತ್ತವನ್ನು ಬಿಡುಗಡೆ ಮಾಡಿತು.

ಸಂಘಟನೆಯ  ಒತ್ತಾಯದ ಫಲವಾಗಿ ಸರ್ಕಾರವು ಲೆಕ್ಕಪತ್ರವನ್ನು ಬಿಡುಗಡೆಗೊಳಿಸಿದ್ದು ಹೋರಾಟಕ್ಕೆ ಸಿಕ್ಕ ಪ್ರತಿಕ್ರಿಯೆಯಾಗಿತ್ತು.

Add caption

ಚೇತನಧಾರೆ ಹಾಗೂ ಜನಾಸ್ತ್ರ ಸಂಘಟನೆಗಳ ಕಾರ್ಯಕರ್ತೆ ಉಷಾರಾಣಿ, ಸಮಾನತಾ ಮಹಿಳಾ ವೇದಿಕೆಯ ಗೀತಾ ಹಾಗೂ ಅಂಬೇಡ್ಕರ್ ನವಯುವ ಶಕ್ತಿಯ ಗೋಪಾಲ್ ರವರು ಬಿಡುಗಡೆಗೊಳಿಸಿದರು. 'ಮಾಲಿನ್ಯವ ದೂರವಿಟ್ಟು ಮಾನವೀಯತೆಯ ದೀಪ ಹಚ್ಚಿ..' ಕಾರ್ಯಕ್ರಮದ ಮೂಲಕ ನೆರೆ ಸಂತ್ರಸ್ತರ ನೆರವಿಗೆ ಧಾವಿಸಿದ ಸಂಘಟನೆಯು ಜವಾಬ್ದಾರಿಯುತವಾಗಿ ಸ್ಪಂಧಿಸಿದ ರಾಜ್ಯದ ಜನತೆಗೆ ಪ್ರೀತಿಯಿಂದ ಅಭಿನಂದಿಸಿತು.

ಕಾರ್ಯಕ್ರಮದಲ್ಲಿ: ಜನಾಸ್ತ್ರ ಸಂಘಟನೆ, ಚೇತನಧಾರೆ ಟ್ರಸ್ಟ್, ಸಮಾನತಾ ಮಹಿಳಾ ವೇದಿಕೆ, ಅಂಬೇಡ್ಕರ್ ನವಯುವ ಶಕ್ತಿ, ಸ್ಲಂ ಜನರ ವೇದಿಕೆ, ಕರ್ನಾಟಕ ಕಟ್ಟಡ ಕಾರ್ಮಿಕರ ಸಂಘಟನೆ, ಪ್ರಜಾತಾರೆ ಪತ್ರಿಕಾವೃಂದದ ಸದಸ್ಯರು ಭಾಗವಹಿಸಿದ್ದರು.

 

'ಮಾಲಿನ್ಯವ ದೂರವಿಟ್ಟುಮಾನವೀಯತೆಯ ದೀಪ ಹಚ್ಚಿ '

'ಮಾಲಿನ್ಯವ ದೂರವಿಟ್ಟುಮಾನವೀಯತೆಯ ದೀಪ ಹಚ್ಚಿ'

     ಉತ್ತರ ಕರ್ನಾಟಕವು ಸಂಪೂರ್ಣ ನೆರೆಪೀಡಿತವಾಗಿ ರಾಜ್ಯವು ಸಂಪೂರ್ಣ ಸೂತಕದ ಮನೆಯಾಗಿತ್ತು. ಸಾಮಾಜಿಕ ಕಳಕಳಿ ಹೊಂದಿದ ಜನಾಸ್ತ್ರ ಸಂಘಟನೆಯು 'ಮಾಲಿನ್ಯವ ದೂರವಿಟ್ಟು ಮಾನವೀಯತೆಯ ದೀಪ ಹಚ್ಚಿ..' ಎಂಬ ಕಾರ್ಯಕ್ರಮದ ಅಡಿಯಲ್ಲಿ ಸಂತ್ರಸ್ತರ ನೆರವಿಗೆ ಧಾವಿಸಲು ನಿರ್ಧರಿಸಿತು. ಪತ್ರಿಕಾಗೋಷ್ಠಿ ಹಾಗೂ ಜಾಗೃತಿ ಕಾರ್ಯಕ್ರಮದ ಮೂಲಕ 'ರಾಜ್ಯದ ಜನತೆ ಹಾಗೂ ಸರ್ಕಾರ ಶಬ್ದ, ವಾಯುಮಾಲಿನ್ಯಕ್ಕೆ ಕಾರಣವಾಗುವ ಆಡಂಬರದ ದೀಪಾವಳಿ ಹಾಗೂ ರಾಜ್ಯೋತ್ಸವವನ್ನು ಮಾಡದೇ ಮೋಜಿನ ಕ್ರಿಕೆಟ್ನ್ನು ದೂರವಿಟ್ಟು ನೊಂದ ಬಂಧುಗಳ ನೆರವಿಗೆ ಧಾವಿಸಬೇಕು. ಸರ್ಕಾರ 73ನೇ ಕನ್ನಡದ ಸಾಹಿತ್ಯ ಸಮ್ಮೇಳನವನ್ನು ಕೂಡಲೇ ಮುಂದೂಡಿ ಆ ಹಣವನ್ನು ನೆರೆ ಸಂತ್ರಸ್ತರಿಗೆ ತಲುಪಿಸಬೇಕು. ರಾಜ್ಯ ಸರ್ಕಾರ  ಜನ ಪ್ರತಿನಿಧಿಗಳು, ಮಠಗಳು ಸಂಘ-ಸಂಸ್ಥೆಗಳು ತಾವು ಪರಿಹಾರಧನದ ಹೆಸರಿನಲ್ಲಿ ಸಾರ್ವಜನಿಕರಿಂದ ಪಡೆದ ಹಣ ಇನ್ನಿತರ ನಿಧಿಯ ಬಗ್ಗೆ ಸಾರ್ವಜನಿಕವಾಗಿ ಸಂಪೂರ್ಣ ಮಾಹಿತಿಯನ್ನು ಒದಗಿಸಿ ಪಾರದರ್ಶಕತೆಯನ್ನು ಕಾಪಾಡಬೇಕು.' ಮನವಿ ಮಾಡಿತು. ವಿವಿಧ ಶಾಲಾ ಕಾಲೇಜುಗಳಲ್ಲಿ ಈ ಬಗ್ಗೆ ಜಾಗೃತಿ ಕಾರ್ಯಕ್ರಮವನ್ನು ನಡೆಸಲಾಯಿತು. 

ನಿಧಿ ಸಂಗ್ರಹಣೆ: 

ದಿನಾಂಕ: 18-10-09ರಂದು ಭಾನುವಾರ ಬೆಂಗಳೂರಿನ 1. ಮಹಾಲಕ್ಷ್ಮೀಲೇಔಟ್ ಈಜುಕೊಳ 2. ರಾಜಾಜಿನಗರ 1ನೇ ಬ್ಲಾಕ್ ವೃತ್ತ 3. ರಾಜಾಜಿನಗರ ನವರಂಗ್ ವೃತ್ತ 4. ಯಶವಂತಪುರ ಗಾಯಿತ್ರಿ ದೇವಾಲಯದ ವೃತ್ತ 5. ರಾಜಾಜಿನಗರ ಭಾಷ್ಯಂ ಸರ್ಕಲ್  6. ಶಂಕರ ಮಠ ವೃತ್ತ 7. ಡಾ.ರಾಜ್ಕುಮಾರ್ ಸಮಾಧಿ ಈ ಕೇಂದ್ರಗಳಲ್ಲಿ ಸಂಜೆವರೆಗೆ ಸಾರ್ವಜನಿಕರಿಂದ ಹಣ ಹಾಗೂ ಇತರೆ ವಸ್ತುಗಳನ್ನು ಸಂಗ್ರಹಿಸಿಲಾಯಿತು. 

ಸಂತಾಪ ಸೂಚಕ ಕಾರ್ಯಕ್ರಮ: ನಂತರ ಸಂಜೆ 5.30ಕ್ಕೆ ಬೆಂಗಳೂರಿನ ಟೌನ್ ಹಾಲ್ ಮುಂಭಾಗ ಅತಿವೃಷ್ಟಿಯಲ್ಲಿ ಮಡಿದ ನಾಗರೀಕ ಬಂಧುಗಳಿಗೆ ಮೇಣದ ಬತ್ತಿಗಳನ್ನು ಹಚ್ಚುವ ಮೂಲಕ ಸಂತಾಪ ಸೂಚಿಸಲಾಯಿತು. ಕಾರಣಾಂತರಗಳಿಂದ ಕಾರ್ಯಕ್ರಮ ಉದ್ಘಾಟಿಸಬೇಕಿದ್ದ ಕೋ.ಚನ್ನಬಸಪ್ಪ ಹಾಗೂ ಜಯಂತ್ ಕಾಯ್ಕಣಿಯವರ ಗೈರು ಹಾಜರಿಯಲ್ಲಿ ಪಿಯುಸಿಎಲ್ನ ಅಧ್ಯಕ್ಷರಾದ ಪ್ರೊ. ರಾಮದಾಸ್ ರಾವ್ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಕರ್ನಾಟಕ ಜನಪರ ವೇದಿಕೆಯ ಕುಮಾರ್ ಸಮತಳರವರು ತಮ್ಮ ರಾಯಚೂರಿನ ಪ್ರವಾಸದ ಅನುಭವವನ್ನು ಹಂಚಿಕೊಂಡರು. ಹಿರಿಯರಾದ ರಾಮಸ್ವಾಮಿ, ಟಿ.ಆರ್.ನರ್ಮದಾರವರು ಇನ್ನಿತರ ಹಿತೈಷಿಗಳು ಭಾಗವಹಿಸಿ ಕಾರ್ಯಕ್ರಮ ಯಶಸ್ವಿಗೊಳಿಸಿದರು.

ಜನತೆಯ ಪ್ರತಿಕ್ರಿಯೆ: 

ಜನಾಸ್ತ್ರ ಹಾಗೂ ಇನ್ನಿತರೆ ಸಂಘಟನೆಗಳ ಮನವಿಯ ಫಲವಾಗಿ ರಾಜ್ಯದ ಜನತೆ ಜವಾಬ್ದಾರಿಯುತವಾಗಿ ಪ್ರತಿಕ್ರಿಯಿಸಿದರು. ಹಲವು ರೀತಿಯಲ್ಲಿ ತಮ್ಮ ನೆರವು ನೀಡಿದ್ದ ಜನತೆ ಸ್ವಪ್ರೇರಿತರಾಗಿ ಸಂಘಟನೆಗೆ ತಮ್ಮ ಅಮೂಲ್ಯವಾದ ಕಾಣಿಕೆಗಳನ್ನು ನೀಡಿದರು. ಪತ್ರಿಕಾಗೋಷ್ಠಿ ನಡೆಸಿದ 2ನೇ ದಿನಕ್ಕೆ ಸಕರ್ಾರವು ಎಲ್ಲಾ ನಿಧಿ ಸಂಗ್ರಹಣೆಯೂ ಕಾನೂನು ಬದ್ಧಗೊಳಿಸಲು ಆದೇಶ ಹೊರಡಿಸಿದರು. ಇದು ಈ ನಿಟ್ಟಿನಲ್ಲಿ ಆಗಬಹುದಾಗಿದ್ದ ಹೆಚ್ಚಿನ ಭ್ರಷ್ಟಾಚಾರವನ್ನು ಕಡಿಮೆಗೊಳಿಸಿತ್ತಾದರೂ ರಾಜ್ಯದ ಜನತೆ ಸರ್ಕಾರಕ್ಕೆ ಸಲ್ಲಿಸಿದ ಸಾವಿರಾರು ಕೋಟಿ ನಿಧಿ ಸಂತ್ರಸ್ತರಿಗೆ ಇನ್ನೂ ತಲುಪದಿರುವುದು ವಿಪರ್ಯಾಸವೇ ಆಗಿದೆ.

ಸಂಘಟನೆಯು ಪುಟ್ಟದಾಗಿ ಸಂಗ್ರಹಿಸಿದ ಹಣ 29.628/- ಈ ಸಣ್ಣ ಮೊತ್ತವನ್ನು ಹೇಗೆ ಸಂತ್ರಸ್ತರಿಗೆ ತಲುಪಿಸುವುದು ಎಂದು ಯೋಚಿಸಿ ಕರ್ನಾಟಕ ಜನಪರ ವೇದಿಕೆ ಹಾಗೂ ಇತರ ಸಂಘಟನೆಗಳೊಂದಿಗೆ ಒಟ್ಟಾಗಿ ಕಾರ್ಯಕ್ರಮ ರೂಪಿಸಲಾಯಿತು. ಮೊದಲು ಹೆಚ್ಚಿನ ಹಾನಿಗೊಳಗಾದ ರಾಯಚೂರಿನ 'ಹೆಗ್ಗಸನಹಳ್ಳಿ ಗುಜರ್ಾಪುರ, ಕೋಳೂರು, ಹಳೇ ತುಂಗಭದ್ರ ಗ್ರಾಮ'ಗಳನ್ನು ಗುರುತಿಸಿ ಸಮೀಕ್ಷೆ ಮೂಲಕ ಅಲ್ಲಿನ ಜನರ ಅಗತ್ಯವನ್ನು ಗುರುತಿಸಲಾಯಿತು. ಸುಮಾರು 15ದಿನಗಳವರೆಗೆ ಹಣದ ಜೊತೆಗೆ ಹಲವಾರು ಹಿತೈಷಿಗಳಿಂದ ದಿನನಿತ್ಯದ ವಸ್ತುಗಳು ಹಾಗೂ ಬಟ್ಟೆಗಳನ್ನು ಸಂಗ್ರಹಿಸಲಾಯಿತು. ಈ ಗ್ರಾಮಗಳಿಗೆ ಅನುಕೂಲವಾಗುವಂತೆ 720 ಪ್ಯಾಕ್ಗಳನ್ನು ಮಾಡಲಾಯಿತು. (ಪ್ರತೀ ಪ್ಯಾಕ್ನಲ್ಲಿ ಸೀರೆ, ಪಂಚೆ, ಟವಲ್, ಪ್ಯಾಂಟ್, ಸ್ವೆಟರ್ ಹಾಗೂ ಬೆಡ್ ಶೀಟ್ ಇರುವಂತೆ) ಹೆಚ್ಚಿನವುಗಳನ್ನು ಹೊಸದಾಗಿ ಕೊಳ್ಳಲಾಯಿತು. 

  

ನೊಂದ ಮನಸುಗಳ ಹಾದಿಯಲ್ಲಿ...

ಪರಿಹಾರ ವಸ್ತುಗಳನ್ನು ವಿತರಿಸಲು ಎಲ್ಲಾ ಸಂಘಟನೆಗಳ ಕಾರ್ಯಕರ್ತರೂ ಒಳಗೊಂಡ ತಂಡದೊಂದಿಗೆ ಇವುಗಳನ್ನು ತೆಗೆದುಕೊಂಡು ನವೆಂಬರ್ 6ರ ರಾತ್ರಿ ಬೆಂಗಳೂರಿನಿಂದ ಹೊರಟು ರಾಯಚೂರು ತಲುಪಿದೆವು. 

1. ಹೆಗ್ಗಸನಹಳ್ಳಿ: 

ರಾಯಚೂರಿನ ಶಕ್ತಿನಗರದ ಪಕ್ಕದ ಹೆಗ್ಗಸನಹಳ್ಳಿ ನಾವು ಪರಿಹಾರ ಸಾಮಗ್ರಿ ತಲುಪಿಸಿದ ಮೊದಲ ಊರು. ಈ ಹಳ್ಳಿ ಕೃಷ್ಣಾ ನದಿ ಹತ್ತಿರವಿದೆ. ಇಲ್ಲಿ ನೀರು ನುಗ್ಗಿರುವ ರಭಸಕ್ಕೆ ಬೆಂಗಳೂರು, ದೆಹಲಿ ರೈಲು ಮಾರ್ಗವೇ ಸಂಪೂರ್ಣ ಕಿತ್ತುಹೋಗಿದೆ. 

2. ಗುರ್ಜಾಪುರ: 

ಎರಡನೆಯದು ರಾಯಚೂರು ತಾಲೂಕಿನದ್ದೇ ಮತ್ತೊಂದು ಹಳ್ಳಿ ಗುರ್ಜಾಪುರ. ಈ ಹಳ್ಳಿಗೆ ಕೃಷ್ಣಾ ನದಿ ನೀರಿನ ಜೊತೆ ಮತ್ತೊಂದು ಹಳ್ಳದ ನೀರು ಎರಡೂ ಸೇರಿ ಸಾಕಷ್ಟು ಹಾನಿ ಮಾಡಿವೆ. 

3. ಕೋಳೂರು: 

ನಾವು ಹೋದ ಮೂರನೆಯ ಊರು ಕೋಳೂರು. ಇದು ದೇವದುರ್ಗ ತಾಲೂಕಿನ ಅಂಚಿನಲ್ಲಿರುವ ಹಳ್ಳಿ. ಈ ಹಳ್ಳಿಯ ಸುತ್ತಲೂ ಎರಡು ಹಳ್ಳಗಳು ಸರ್ಪದಂತೆ ಸುತ್ತಿಕೊಂಡಿದ್ದು ಸಾಕಷ್ಟು ತೊಂದರೆಯಲ್ಲಿದ್ದಾರೆ. ಸಮೀಪದ ಗಬ್ಬೂರು ಮತ್ತು ರಾಯಚೂರಿಗೆ ಬರಲು ಇವತ್ತಿಗೂ ಸೇತುವೆಯಿಲ್ಲ. ಕೋಳೂರು ಹೆಚ್ಚು ಕಡಿಮೆ ಸಂಪೂರ್ಣ ನಾಶವಾಗಿದೆ. ಕೆಲವೆಡೆ ಮನೆಯಿತ್ತು ಎಂಬ ಗುರುತೂ ಸಹ ಉಳಿದಿಲ್ಲ. 

4. ಹಳೇ ತುಂಗಭದ್ರ ಗ್ರಾಮ: 

ಕೊನೆಯದಾಗಿ ತುಂಗಭದ್ರ ನದಿಯ ತಟದಲ್ಲಿರುವ ಹಳೇ ತುಂಗಭದ್ರ ಗ್ರಾಮ. ಈ ಊರಿನಲ್ಲಿ ಒಂದು ಮನೆಯೂ ಉಳಿದಿಲ್ಲ. ಎಲ್ಲವೂ ಸಂಪೂರ್ಣ ನಾಶವಾಗಿದೆ. ಪಾತ್ರೆ ಇತ್ಯಾದಿ ಏನೂ ಉಳಿದುಕೊಂಡಿಲ್ಲ. ಮನೆಗಳ ಸಂಖ್ಯೆ: ಈ ಊರಿನ ಪಕ್ಕದಲ್ಲೇ ತುಂಗಭದ್ರಾ ನದಿಗೆ ಕಟ್ಟಿರುವ ದೊಡ್ಡ ಸೇತುವೆಯೇ ಕೊಚ್ಚಿಕೊಂಡು ಹೋಗಿದೆ. ನದಿಯ ಆ ಕಡೆಯ ಆಂಧ್ರ ಭಾಗದಲ್ಲಿ ನಾಲ್ಕು ಕಿ.ಮೀ. ದೂರದಲ್ಲಿ ಮಂತ್ರಾಲಯ ಬರುತ್ತದೆ. ಅಲ್ಲಿನ ಸ್ವಾಮೀಜಿಯನ್ನು ಹೆಲಿಕಾಪ್ಟರ್ನಲ್ಲಿ ಹೊತ್ತುಕೊಂಡು ಬಂದು, ಮಂತ್ರಾಲಯದ ಪುನರ್ ನಿರ್ಮಾಣಕ್ಕೆ ಕೋಟಿಯನ್ನು 3 ದಿನದಲ್ಲೇ ಘೋಷಿಸಿದ ರಾಜ್ಯ ಸರ್ಕಾರ, ನಾವು ಹೋಗುವವರೆಗೂ ಹಳೇ ತುಂಗಭದ್ರಾ ಗ್ರಾಮಕ್ಕೆ ಅಂತಹ ಯಾವ ಭರವಸೆಯನ್ನೂ ನೀಡಿರಲಿಲ್ಲ. ಸಂಪೂರ್ಣ ಮನೆ ನಾಶವಾದರೆ ನೀಡುವ 37 ಸಾವಿರ ರೂ. ಈ ಊರಿನ ಒಂದು ಮನೆಗೂ ತಲುಪಿಲ್ಲ. ಈ ಚಿಕ್ಕ ಊರಿನ ಎಲ್ಲಾ ಕುಟುಂಬಗಳಿಗೆ ಬಟ್ಟೆ, ಬೆಡ್ಶೀಟ್ ಪ್ಯಾಕ್ ಜೊತೆ ಪಾತ್ರ್ರೆಗಳನ್ನೂ ಹಂಚಲಾಯಿತು. 

ದುಡಿದ ಕೈಗಳಿಗೆ ಸಾಸಿವೆ: 

ಸರ್ಕಾರದ ಮೇಲೆ ನಂಬಿಕೆಯಿಲ್ಲದೆ, ನೇರವಾಗಿ ಪ್ರಾಮಾಣಿಕವಾಗಿ ಜನರಿಗೆ ತಲುಪಿಸುವವರಿಗೆ ಮಾತ್ರ ಕೊಡಬೇಕು ಎಂದುಕೊಂಡಿದ್ದ ನಮ್ಮ ಕರೆಗೆ ಜನ ಉತ್ತಮ ರೀತಿ ಪ್ರತಿಕ್ರಿಯಿಸಿದ್ದರು. ಅದರಂತೆಯೇ ಈ ಪರಿಹಾರ ವಿತರಣೆ ಕಾರ್ಯಕ್ರಮ ಯಶಸ್ವಿಯಾಗಿ ನಡೆಯಿತು. ಈ ಊರುಗಳಲ್ಲಿದ್ದ ಸಂಘಟನೆಯ ಕೆಲವು ಪ್ರಾಮಾಣಿಕ ಕಾರ್ಯಕರ್ತರು ಯಾವುದೇ ಗೊಂದಲಗಳಿಲ್ಲದೆ ಪರಿಹಾರ ಸಾಮಗ್ರಿ ವಿತರಣೆಯಾಗಲು ವ್ಯವಸ್ಥೆ ಮಾಡಿದ್ದರು. 

ನಾಡು ಕಟ್ಟಿದ ಜನರ ಸಂಕಷ್ಟಕ್ಕೆ ಸ್ಪಂಧಿಸುವುದು ಎಲ್ಲರ ಜವಾಬ್ದಾರಿ ಎಂದು ಪ್ರಜ್ಞೆಯನ್ನು ಬೆಳೆಸಲು ಸಂಘಟನೆ ಯಶಸ್ವಿಯಾಗಿದೆ. ನಾಡಿನ ಏಳ್ಗೆಗೆ ದುಡಿಯುದ ಕೈಗಳಿಗೆ ಸಿಕ್ಕಿರುವುದು ಸಾಸಿವೆಯಷ್ಟು ನೆರವು. ಅದೂ ಸಹ ಶೂನ್ಯವೇ ಸರಿ. 

''ಸರ್ಕಾರದಿಂದ ನಮಗೇನೂ ಸಿಕ್ಕಿಲ್ಲ. ಮನೆಗಳು ಪೂರ ಕೊಚ್ಚಿ ಹೋಗಿದ್ದರೂ ಸಿಕ್ಕಿರುವ ಪರಿಹಾರ ಹೆಚ್ಚೆಂದರೆ 2ರಿಂದ 7 ಸಾವಿರ ರೂ.ಗಳ ಚೆಕ್' ಎಂದು ಬಹುತೇಕ ಎಲ್ಲೆಡೆ ಜನರು ಹೇಳುತ್ತಿದ್ದರು. ಅದೇ ಸಂದರ್ಭದಲ್ಲಿ ಅವರ ನೆರವಿಗೆ ನಿಂತು ಸಹಾಯ ಹಸ್ತವನ್ನು ನೀಡಿದ ರಾಜ್ಯದ ಇತರ ಭಾಗಗಳ ಜನತೆ ಮತ್ತು ಸಂಘ ಸಂಸ್ಥೆಗಳನ್ನು ಕೃತಜ್ಞತೆಯಿಂದ ನೆನೆಯುತ್ತಿದ್ದರು.

ಉತ್ತರ ಕರ್ನಾಟಕದಲ್ಲಿ ಪ್ರತಿಭಟನೆಯ ಕಾವು:

  ರೈತರು ಹಾಗೂ ಉತ್ತರ ಕರ್ನಾಟಕ ಜನರ ನೇತೃತ್ವದಲ್ಲಿ  'ನೆರೆ ಸಂತ್ರಸ್ತರ ಸಮಿತಿ' ಸ್ಥಾಪಿಸಿ ನಮ್ಮ ಸಮಿತಿಯಿಂದ   ಪತ್ರಿಕಾಗೋಷ್ಠಿ ನಡೆಸಿ 'ಸತ್ಯಶೋಧನಾ ವರದಿ'ಯನ್ನು ಬಿಡುಗಡೆಗೊಳಿಸಲಾಯಿತು. ರಾಜ್ಯ ರೈತ ಸಂಘ ಮತ್ತು ಹಸಿರು ಸೇನೆಯೊಂದಿಗೆ ಸೇರಿ ಪ್ರತಿಭಟನಾ ರಾಲಿ ಹಾಗೂ ಬೃಹತ್ ಸಮಾವೇಶವನ್ನು ಹಮ್ಮಿಕೊಳ್ಳಲಾಯಿತು.

     

ನಾಡಿನ ಅಭಿವೃದ್ಧಿಯಲ್ಲಿ ಅಪಾರ ಕೊಡುಗೆ ನೀಡಿರುವ ಉತ್ತರ ಕರ್ನಾಟಕದ ಜನತೆಗೆ ಸರ್ಕಾರದ ಮೇಲೆ ನಂಬಿಕೆ ಇಲ್ಲದಾಗಿದೆ. ನೆರವಿಗೆ ಬಾರದ ಸರ್ಕಾರಕ್ಕೆ ಶಾಪ ಹಾಕುತ್ತಿದ್ದರು. ಜನರ ಸಂಕಷ್ಟ ಸ್ಥಿತಿ ಮನ ಕಲಕುವಂತಿತ್ತು. ಜನ ಪ್ರತಿನಿಧಿಗಳು ಮನುಷ್ಯತ್ವ ಮರೆತು ವರ್ತಿಸಿದ್ದಾರೆ. 

ಪ್ರಕೃತಿಯ ವಿಕೋಪ ಮತ್ತು ಸರ್ಕಾರಗಳ ನಿರ್ಲಕ್ಷ್ಯಗಳೆರಡೂ ಸೇರಿ ಈ ಭಾಗದ ಜನಜೀವನವನ್ನು ಕೆಲ ದಶಕಗಳಷ್ಟು ಹಿಂದಕ್ಕೆ ತಳ್ಳಿದೆ. ಹಾಗಾಗಿ ಕನರ್ಾಟಕದ ಅತ್ಯಂತ ಹಿಂದುಳಿದ ಭಾಗವಾದ ಈ ಜಿಲ್ಲೆಗಳ ಸಮಗ್ರ ಅಭಿವೃದ್ಧಿಗೆ ಪ್ರಯತ್ನಗಳು ನಡೆಯಬೇಕಿದೆ. ಬೆಂದ ಮನೆಯಲ್ಲಿ ಗಳ ಹಿಡಿಯುತ್ತಿರುವ ಇಲ್ಲಿನ ರಾಜಕಾರಣಿಗಳು ಅಂತಹ ಪ್ರಯತ್ನ ತಮ್ಮಂತೆ ತಾವೇ ಮಾಡುತ್ತಾರೆಂಬ ಯಾವ ಭರವಸೆಯೂ ಇಲ್ಲ. ಈ ನಿಟ್ಟಿನಲ್ಲಿ ನಾಡಿನ ಪ್ರಜ್ಞಾವಂತ ಜನತೆ ಮತ್ತು ಪ್ರಗತಿಪರ ಸಂಘಟನೆಗಳು ಒಟ್ಟಾಗಿ ಒತ್ತಡ ತರುವ ಕೆಲಸವನ್ನು ಮಾಡಬೇಕಿದೆ.

 ವಿಶೇಷ ಅಭಿನಂದನೆಗಳು: 

ಕಿರ್ಲೋಸ್ಕರ್ ಫೌಂಡ್ರಿಯ, ಗೌತಮ ಕಾಲೋನಿ ಹಾಗೂ ಮಹಾಲಕ್ಷ್ಮೀಪುರ ನಿವಾಸಿಗಳು ಮೊದಲೇ ಹಲವಾರು ರೀತಿಯಲ್ಲಿ ತಮ್ಮ ಕಾಣಿಕೆಯನ್ನು ನೀಡಿದ್ದರೂ ನಮ್ಮ ಸಂಘಟನೆ ಮನೆ ಬಾಗಿಲಿಗೆ ಹೋದಾಗ ಬರೀ ಕೈಯಲ್ಲಿ ಹಿಂತಿರುಗಿಸದೇ ತಮ್ಮ ಕಾಣಿಕೆ ಹಾಗೂ ಬೆಂಬಲಕ್ಕೆ ನಾವು ಸದಾ ಋಣಿಗಳು. ಪಿಯುಸಿಎಲ್ನ ಪ್ರೋ. ರಾಮದಾಸ್ ರಾವ್, ವೆಂಕಟಸ್ವಾಮಿಯವರು, ಜನಪರ ವೇದಿಕೆಯ ಕುಮಾರ್ ಸಮತಳ ಹಾಗೂ ವಿಶೇಷವಾಗಿ ಸಂಗ್ರಹಿಸಲಾದ ವಸ್ತುಗಳನ್ನು ಜೋಡಿಸಿಕೊಳ್ಳಲು ಸ್ಥಳಾವಕಾಶ ಹಾಗೂ ಬೆಂಬಲ ನೀಡಿದ ವಿವೇಕ್ ಮೆಮೋರಿಯಲ್ ಟ್ರಸ್ಟ್ನ ಟಿ.ಆರ್.ನರ್ಮದಾರವರಿಗೆ ಧನ್ಯವಾದಗಳು. ಹೆಗಲಿಗೆ ಹೆಗಲು ನೀಡಿದ ಸಮಾನತಾ ಮಹಿಳಾ ವೇದಿಕೆ, ಕರ್ನಾಟಕ ಜನಪರ ವೇದಿಕೆ, ಗೌರಿ ಲಂಕೇಶ್ ಬಳಗ, JOIN US TO HELP, ಪೆಡೆಸ್ಟ್ರಿಯನ್ ಪಿಕ್ಚರ್ಸ್, ಮಂಡ್ಯನಗರ ಸ್ಲಂ ನಿವಾಸಿಗಳ ಒಕ್ಕೂಟ, ಮಂಡ್ಯ ರೈಲ್ವೆ ಗೂಡ್ಶೆಡ್ಸ್ ಕಾರ್ಮಿಕರ ಸಂಘ, ಮಂಡ್ಯ ಕೆ.ಎಸ್.ಡಿ.ಎಲ್. ಕಾರ್ಮಿಕರ ಸಂಘ. ಹಾಗೂ ನಮ್ಮೊಂದಿಗೆ ಕೈಜೋಡಿಸಿದ ಎಲ್ಲರಿಗೂ ಹೃದಯ ತುಂಬಿ ಅಭಿನಂದನೆಗಳನ್ನು ಅಪರ್ಿಸುತ್ತೇವೆ. 

ಹೆಚ್ಚಿನ ಮಾಹಿತಿಗೆ:

ಚೇತನಧಾರೆ ಟ್ರಸ್ಟ್ ಮತ್ತು ಜನಾಸ್ತ್ರ ಸಂಘಟನೆ.ನಂ.10, 2ನೇ ಅಡ್ಡರಸ್ತೆ, ಇಸ್ಕಾನ್ ದೇವಾಲಯದ ಮುಂಭಾಗ
ಯಶವಂತಪುರ, ಬೆಂಗಳೂರು- 560022.
ಫೋ: 9448702368.
                         http://bangaloreslumyouth.blogspot.in/                http://www.swabhimanimahilahorata.blogspot.in/

ಸ್ವಾಭಿಮಾನಿ ಮಹಿಳಾ ಹೋರಾಟ

By The Road Side

This Documentary Directed and Made by Janasthra Group on Media Training. Please give your comments..

Mock Press Meet

ಅಣುಕು ಪತ್ರಿಕಾಗೋಷ್ಠಿ

ನಾವು ಒಂದಷ್ಟು ವರದಿ ಮಾಡುವುದು ಕಲಿತೆವು ಈಗ ಒಂದು ಘಟನೆ ಅಥವಾ ವರದಿ ಸುದ್ದಿಯಾಗುವುದು ಹೇಗೆ? ವರದಿಯನ್ನು ಹೇಗೆ ಸಂಪಾದಿಸುತ್ತಾರೆ? ಪತ್ರಿಕೆ ಕಛೇರಿಗಳಲ್ಲಿ ಹೇಗೆ ಅದು ಅಚ್ಚಾಗುತ್ತದೆ?
ಬೆಂಗಳೂರು ಪ್ರೆಸ್ ಕ್ಲಬ್ನಲ್ಲಿ ವರದಿಗಾರರು ಪತ್ರಿಕಾಗೋಷ್ಠಿಗಳಲ್ಲಿ ಸುದ್ದಿಯನ್ನು ಸಂಗ್ರಹಿಸುವುದು ಗೊತ್ತಿತ್ತು. ಅಲ್ಲಿ ಮಾಧ್ಯಮದವರಿಗೆ ಹಾಗೂ ಪತ್ರಿಕಾಗೋಷ್ಠಿಯನ್ನು ನಡೆಸುವವರಿಗೆ ಮಾತ್ರ ಪ್ರವೇಶವೆಂದು ತಿಳಿದು ಬೇಸರವಾಯಿತು.
ಕರ್ನಾಟಕದಲ್ಲಿ ಹೆಚ್ಚು ಪ್ರಚಾರದಲ್ಲಿರುವ ಪ್ರಜಾವಾಣಿ  ಪತ್ರಿಕೆ ಕಛೇರಿಗೆ ಭೇಟಿನೀಡಿ ಕಲಿಯೋಣವೆಂದು ನಿರ್ಧರಿಸಿದೆವು. ಅವಕಾಶ ಸಿಗುವುದೋ ಇಲ್ಲವೋ? ಎಂಬ ಅನುಮಾನದೊಂದಿಗೆ ಸಂಪಾದಕರಿಗೆ ಫೋನ್ ಮಾಡಿದೆವು. ಸಂಪಾದಕರು ಕೂಡಲೇ ಮೆಚ್ಚುಗೆಯಿಂದ ಒಪ್ಪಿ ನ್ಯೂಸ್ ಚೀಫ್ ಸತ್ಯನಾರಾಯಣ್ ಸಾರ್ರವರೊಂದಿಗೆ ಮಾತನಾಡಿ ದಿನಾಂಕವನ್ನು ಗೊತ್ತುಪಡಿಸಲು ಹೇಳಿದರು. ನಮಗೆ ತುಂಬಾ ಸಂತೋಷವಾಯಿತು.
 
ಪ್ರೆಸ್ ಕ್ಲಬ್ನಲ್ಲಿ ಭಾನುವಾರದಂದು ತರಬೇತಿಯನ್ನು ಪಡೆಯುತ್ತೇವೆ ಎಂದಾಗ ಕಾರ್ಯದರ್ಶಿಮಲ್ಲಪ್ಪನವರು ಅಂದು ಯಾವ ಪತ್ರಿಕಾಗೋಷ್ಠಿಯೂ ಇರುವುದಿಲ್ಲ. ಸುಮ್ಮನೆ ಬಂದು ಏನುಮಾಡುತ್ತೀರಿ ಎಂದು ಪ್ರಶ್ನಿಸಿದರು. ಅದು ನಮಗೂ ದೊಡ್ಡ ಪ್ರಶ್ನೆಯಾಯಿತು.
 
ನಾವು ಎದೆಗುಂದಲಿಲ್ಲ.. ಕೂಡಲೇ ಭ್ರಷ್ಟಾಚಾರದ ವಿರುದ್ಧ ನಾವೇ ಒಂದು ಅಣುಕು ಪತ್ರಿಕಾಗೋಷ್ಠಿಯನ್ನು ನಡೆಸಲು ತೀಮರ್ಾನಿಸಿ ಇತರ ಮಾಧ್ಯಮ ಮಿತ್ರರಿಗೆ ಆಹ್ವಾನಿಸಿದೆವು.

 ಅಂದು..

 ಬೆಳಿಗ್ಗೆಯೇ ಎಲ್ಲಾ ಗೆಳೆಯರೂ ಸೇರಿಕೊಂಡು ಮತ್ತೊಮ್ಮೆ ತರಬೇತಿಯನ್ನು ಮೆಲುಕು ಹಾಕಿದೆವು. ನಮ್ಮ ಗೆಳೆಯರೇ ಡ್ರೈವರ್ ಕೆಲಸಗಳನ್ನು ಮಾಡುವ ವಾಹನ ಆಟೋಗಳಿಗೆ ತಲಾ 20ರೂಗಳನ್ನು ನೀಡಿ ಡಿಸೇಲ್ ತುಂಬಿಸಿಕೊಂಡು ಪ್ರೆಸ್  ಕ್ಲಬ್ ಕಡೆ ಹೊರೆಟೆವು.

ಗೋಷ್ಠಿಯನ್ನು ನಡೆಸಿಕೊಡುವ ಗೆಳೆಯರ ಎದೆಗಳಲ್ಲಿ ನಡುಕ ಆರಂಭವಾಯಿತು. ಪ್ರೆಸ್ ಕ್ಲಬ್ನ ಎದುರಿಗಿರುವ ಕಬ್ಬನ್ ಪಾರ್ಕಿನಲ್ಲಿ ಕುಳಿತು ಮತ್ತೊಮ್ಮೆ ತಯಾರಿ ನಡೆಸಿ ಧೈರ್ಯದಿಂದ ಗೋಷ್ಠಿಯ ಕಡೆಗೆ ಹೊರೆಟೆವು
.
10.30ಕ್ಕೆ ಎಂದು ಹೇಳಿದ್ದ ಪತ್ರಿಕಾಗೋಷ್ಠಿಗೆ 11ಗಂಟೆಯಾದರು ಯಾವುದೇ ಮಾಧ್ಯಮದವರು ಬರಲಿಲ್ಲ. ಇದ್ದವರು ನಮ್ಮದೇ ತಂಡದ ವರದಿಗಾರರು. ಸರಿ.. ಗೋಷ್ಠಿ ಆರಂಭಿಸಿದೆವು. ಗೋಷ್ಠಿ ಆರಂಭವಾಗುತ್ತಿದ್ದಂತೇ ಟೈಮ್ಸ್ ಆಫ್ ಇಂಡಿಯಾ ಪತ್ರಿಕೆ ಹಾಗೂ ಸಂಜೆವಾಣಿ ಪತ್ರಿಕೆಯ ಇಬ್ಬರು ವರದಿಗಾರ್ತಿಯರು ನಮ್ಮನ್ನು ಸೇರಿಕೊಂಡರು. ನಮಗೆ ಒಂದಷ್ಟು ಹುಮ್ಮಸ್ಸು ತುಂಬಿತ್ತು.  
ಗೋಷ್ಠಿಯಲ್ಲಿ ಪಾಲ್ಗೊಂಡವರು: ರಾಮಕೃಷ್ಣ (ಡಾಮಿ), ಕಿರಣ್ (ಚಿಕ್ಕಣ್ಣ), ಪ್ರತಾಪ ಮತ್ತು ರವರು ಗೋಷ್ಠಿಯನ್ನು ನಡೆಸಿದರು. ಇತರ ಗೆಳೆಯರು ವರದಿಗಾರರಾದರು.

ಸ್ವಾಗತ: ಸಂಘಟನೆಯ ರಾಮಕೃಷ್ಣರವರು ಎಲ್ಲರಿಗೂ ಸ್ವಾಗತ ಮಾಡಿ ಗೋಷ್ಠಿಯಲ್ಲಿದ್ದವರನ್ನು ಪರಿಚಯ ಮಾಡಿಕೊಟ್ಟರು.ಪ್ರಸ್ತಾವನೆ: ಗೋಷ್ಠಿಯ ಬಗ್ಗೆ ಪ್ರಸ್ತಾವನೆಯನ್ನು ಕಿರಣ್ (ಚಿಕ್ಕಣ್ಣ)ರವರು ಮಾಡಿಕೊಟ್ಟರು.ಒತ್ತಾಯಗಳು: ಪ್ರತಾಪ ರವರು ಸಂಘಟನೆಯ ಒತ್ತಾಯಗಳ ಬಗ್ಗೆ ವಿವರಿಸಿದರು.

ಶುರುವಾಯ್ತು ಪ್ರಶ್ನೆಗಳ ಸುರಿಮಳೆ... 

ಬಂದಿದ್ದ ಪತ್ರಿಕಾ ಗೆಳತಿಯರು 'ನ್ಯಾಯಾಲಯವೇ ಭ್ರಷ್ಟಾಚಾರದಲ್ಲಿ ತುಂಬಿದೆ. ವೈ.ಸಂಪಂಗಿಯಂತಹ ಶಾಸಕರು ನೇರವಾಗಿ ಸಿಕ್ಕಿಬಿದ್ದರೂ ಯಾವುದೇ ಶಿಕ್ಷೆಯಾಗದೇ ರಾಜಾರೋಷವಾಗಿ ಓಡಾಡುತ್ತಿದ್ದಾರೆ. ನೀವು ಭ್ರಷ್ಟಾಚಾರವನ್ನು ಹೇಗೆ ನಿಲ್ಲಿಸುತ್ತೀರಾ?. ಸರ್ಕಾರಗಳು ಪೊಲೀಸ್ ಇಲಾಖೆಯೇ ಅತ್ಯಂತ ಭ್ರಷ್ಟವಾಗಿವೆ. ನೀವು ಏನು ಮಾಡಲು ಸಾಧ್ಯ? ಪ್ರಶ್ನೆಗಳ ಧಾಳಿಯನ್ನಾರಂಭಿಸಿದರು.

ಅಣುಕು ಪತ್ರಿಕಾಗೋಷ್ಠಿ ಆಗಿರುವುದರಿಂದ ನಮ್ಮ ಪತ್ರಿಕಾಗೋಷ್ಠಿಯ ಉದ್ದೇಶದ ಬಗ್ಗೆ ಪ್ರಶ್ನೆಗಳನ್ನು ಕೇಳಬಹುದು ಎಂದುಕೊಂಡಿದ್ದ ನಮಗೆಲ್ಲಾ ಗಾಬರಿಯಾಯಿತು.ಕೂಡಲೇ ಗೋಷ್ಠಿಯಲ್ಲಿ ಹಾಜರಿದ್ದ ನಮ್ಮ ಸಂಘಟಕರು ಉತ್ತರ ನೀಡಿದರು. ಹೌದು ಈ ವ್ಯವಸ್ಥೆ ಭ್ರಷ್ಟವಾಗಿದೆ. ಹಾಗೆಂದು ನಾವು ಮೌನವಹಿಸಿ ಸಹಿಸಿಕೊಂಡು ಹೋಗಲು ಸಾಧ್ಯವಿಲ್ಲ. ಜನರನ್ನು ಜಾಗೃತರನ್ನಾಗಿ ಮಾಡುತ್ತೇವೆ. ಆ ಮೂಲಕ ಬದಲಾವಣೆಯನ್ನು ತರುತ್ತೇವೆ ಎಂದು ವಿವರಿಸಿದರು.

ಅದಕ್ಕೆ ಪ್ರತಿಕ್ರಿಯಿಸಿದ ಆ ಅನುಭವಿ ವರದಿಗಾರರು 'ಸಾಧ್ಯವೇ ಇಲ್ಲಾ.. ನೀವು ಯಾವುದೇ ಕೆಲಸಗಳನ್ನು ಮಾಡಿಸಿಕೊಳ್ಳಲೂ ಲಂಚವನ್ನು ನೀಡಲೇ ಬೇಕಾಗುತ್ತದೆ. ಇಷ್ಟು ಹಾಳಾಗಿರುವ ವ್ಯವಸ್ಥೆಯನ್ನು ನೀವು ಸರಿಮಾಡಲು ಸಾಧ್ಯವೇ ಇಲ್ಲಾ.. ಲೋಕಾಯುಕ್ತರಿಗೇ ಬಾಗದ ಜನ ನಿಮ್ಮಿಂದ ಬದಲಾಗುತ್ತಾರೆಯೇ? '
ಎಂದು ಪ್ರಶ್ನಿಸಿದರು. 

 'ಖಂಡಿತವಾಗಿಯೂ.. ನೀವು ಹೇಳುತ್ತಿರುವುದು ನಿಜ. ಆದರೆ.. ಓದಲು ಬರೆಯಲು ಬಾರದೇ ಡ್ರಗ್ಸ್ ಕುಡಿತ ಇತ್ಯಾಧಿ ಕೆಟ್ಟ ಚಟಗಳಿಗೆ ದಾಸರಾಗಿದ್ದ ನಮ್ಮ 30 ಜನ ಯುವಕರನ್ನು ನಾವು ಜಾಗೃತರಾಗಿಸಿದ್ದೇವೆ ಇದು ಸಾಧ್ಯವಾಗಿದೆ. ನಾವೆಲ್ಲರೂ ನಿಮ್ಮ ಮುಂದಿದ್ದೇವೆ ಹಾಗೆಯೇ ಮುಂದೊಂದು ದಿನ ಈ ಸಂಖ್ಯೆ ಹೆಚ್ಚಿ ಸಮಾಜಿಕ ಬದಲಾವಣೆಗೆ ಕಾರಣವಾಗುವ ಬಗ್ಗೆ ನಾವು ವಿಶ್ವಾಸ ಇಟ್ಟಿದ್ದೇವೆ. 'ಎಂಬ ಮಾತುಗಳು ಅವರನ್ನು ಚಕಿತರನ್ನಾಗಿ ಮಾಡಿದವು.ಅವರು ನಮಗೆ ಶುಭಕೋರಿ ಹೊರಟರು.

ಪ್ರಜಾವಾಣಿಯ ಸತ್ಯನಾರಾಯಣ ರಾವ್ ಸರ್ ನಮಗೆಲ್ಲಾ ಊಟದ ವ್ಯವಸ್ಥೆಯನ್ನು ಏರ್ಪಡಿಸಿದ್ದರು. ಪ್ರೆಸ್ಕ್ಲಬ್ನಲ್ಲಿ ಊಟ ನಮ್ಮನ್ನು ಘಮ್ಮೆಂದು ಕಾಡುತ್ತಿತ್ತು. ಆದರೆ ನಾವು ವರದಿಯನ್ನು ಪೂರೈಸಿಯೇ ನಂತರ ಊಟ ಮಾಡಬೇಕಾದ ನಿಬಂಧನೆಯನ್ನು ಸ್ವಯಂಗೊಳಿಸಿದ್ದೆವು. ಹಾಗಾಗಿ ಬಾಯಿ ನೀರನ್ನು ನುಂಗುತ್ತಾ ವರದಿ ಮಾಡಿದೆವು.

ಪ್ರಜಾವಾಣಿಗೆ ಲಗ್ಗೆ

ಸುಮಾರು 3 ಗಂಟೆಯ ಸಮಯಕ್ಕೆ ಸರಿಯಾಗಿ ನಾವು ಪ್ರಜಾವಾಣಿಗೆ ಲಗ್ಗೆ ಹಾಕಿದೆವು. ಸಂಪಾದಕರು ಹಾಗೂ ಮುಖ್ಯ ವರದಿಗಾರರ ಅನುಪಸ್ಥಿತಿಯಲ್ಲಿ ನಮಗೆ ನಾರಾಯಣ್ ರಾವ್ ಮೆಟ್ರೋ ವಿಭಾಗದ ಮುಖ್ಯಸ್ಥರು ಪ್ರಜಾವಾಣಿ ಕಛೇರಿಯ ಹಂತ ಹಂತಗಳನ್ನು ವಿವರಿಸಿದರು.
 

ಪುಟ ವಿನ್ಯಾಸ 
ಚಿತ್ರ ಸಂಪಾದನೆ ಹಾಗೂ 
ಶೇಖರಣೆಸುದ್ದಿಯ ತಯಾರಿಕಾ ಹಂತಗಳು ಇನ್ನಿತರೆ ವಿಚಾರಗಳನ್ನು ತಿಳಿಸಿಕೊಟ್ಟರು.
 

 

ನಂತರ ಕ್ಯಾಂಟಿನ್ನಲ್ಲಿ ನಮಗಾಗಿ ಬಿಸಿಬಾದಾಮಿ ಹಾಲು ಬಿಸ್ಕೆಟ್ ತಯಾರಿಗಿದ್ದವು. ನಾವೆಲ್ಲ ಸವಿದು ಎಲ್ಲಾ ಪ್ರಜಾವಾಣಿ ಬಳಗಕ್ಕೂ ಧನ್ಯವಾದಗಳನ್ನು ಹೇಳಿ ಹೊರಟೆವು. 




ನಾವು ಹೊರ ಬರುತ್ತಿದ್ದಂತೆ ಸಂಜೆವಾಣಿ ಪತ್ರಿಕೆಯಲ್ಲಿ ನಮ್ಮ  ಪತ್ರಿಕಾಗೋಷ್ಠಿ ಬಗ್ಗೆ ಆಕರ್ಷಕವಾಗಿ ಸುದ್ದಿ ಪ್ರಕಟವಾಗಿತ್ತು. ಇದು ನಮ್ಮಲ್ಲಿ ಹೊಸ ಕನಸನ್ನು ಚಿಗುರೋಡೆಸಿತು. ನಮ್ಮದೇ ಆದ ಮಾಧ್ಯಮದ ಕನಸುಗಳು ಚಿಗುರೊಡೆಯುತ್ತಿವೆ..

ಪತ್ರಿಕೋದ್ಯಮ ತರಬೇತಿ

ಪತ್ರಿಕೋದ್ಯಮ ತರಬೇತಿ

ನಾವು ಹಲವಾರು ತಿಂಗಳುಗಳ ಕಾಲ ಕಷ್ಟಪಟ್ಟು ಪ್ರತಿ ತಿಂಗಳು ರೂಪಾಯಿಗಳನ್ನು ಕೂಡಿಹಾಕಿ ಅತ್ಯಂತ ಕಷ್ಟದಿಂದ ಬೆವರಸಿರಿ ಕಾರ್ಯಕ್ರಮವನ್ನು ಆಯೋಜಿಸಿದ್ದೆವು. ಅದು ತಕ್ಕ ಮಟ್ಟಿಗೆ ಯಶಸ್ವಿಯೂ ಆಯಿತು. ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದವರು ನಮ್ಮ ಪ್ರಯತ್ನಕ್ಕೆ ಶ್ಲಾಘನೆಯನ್ನು ನೀಡಿದರು. ನಮ್ಮ ಎಲ್ಲಾ ಕಾರ್ಯಕರ್ತರೂ ತುಂಬಾ ಹೆಮ್ಮೆಪಟ್ಟುಕೊಂಡರು. ಹಲವಾರು ತಿಂಗಳುಗಳಿಂದ ಮಾಡಿದ್ದ ಶ್ರಮ ನಮಗೆ ತೃಪ್ತಿಯನ್ನು ನೀಡಿತು.

ಆದರೆ ನಮ್ಮ ಎದೆಗಳಲ್ಲೊಂದು ನೋವಿನ ಬೆಂಕಿಯ ಕಿಡಿ ಹೊತ್ತಿಕೊಂಡಿತ್ತು. ಕಾರ್ಯಕ್ರಮದ ಮಾರನೇ ದಿನ ಸಂಜೆ ನಾವೆಲ್ಲರೂ ಕಾರ್ಯಕ್ರಮದ ಬಗ್ಗೆ ಆತ್ಮಾವಲೋಕನ ಮಾಡಿಕೊಳ್ಳುವ ಸಭೆ ಸೇರಿದ್ದೆವು. ಕಾರ್ಯಕ್ರಮಕ್ಕೆ ಹಲವಾರು ಮಾಧ್ಯಮದವರು ಪಾಲ್ಗೊಂಡು ನಮ್ಮ ಕಾರ್ಯಕ್ರಮದ ಬಗ್ಗೆ ಹೆಚ್ಚಿನ ಆಸಕ್ತಿಯಿಂದ ವರದಿಗಳನ್ನು ಸಿದ್ದಪಡಿಸಿಕೊಂಡಿದ್ದರು. ತಡವಾಗಿ ಬಂದ ಕೆಲ ಮಾಧ್ಯಮದವರಂತೂ ಸನ್ಮಾನಿತರನ್ನು ಮತ್ತೆ ಮತ್ತೆ ಕೂರಿಸಿ ತಮಗೆ ಬೇಕಾದಂತೆ ವಿವಿಧ ಭಂಗಿಗಳಲ್ಲಿ ದೃಶ್ಯಗಳನ್ನು ಸೆರೆ ಹಿಡಿದರು. ಮತ್ತೆ ಕೆಲವರು ಕಾರ್ಯಕ್ರಮ ಆರಂಭವಾಗುವುದಕ್ಕೆ ಮುನ್ನವೇ ಬಂದು ಕಾದು ಕುಳಿತ್ತಿದ್ದರು.

ಮಾರನೇ ದಿನ ಯಾವುದೇ ಚಾನೆಲ್ಗಳಲ್ಲಾಗಲೀ ಪತ್ರಿಕೆಗಳಲ್ಲಾಗಲೀ ನಮ್ಮ ಕಾರ್ಯಕ್ರಮದ ಫೋಟೋ ವರದಿ ಇರಲಿ ಒಂದು ಅಕ್ಷರವೂ ಸಹ ಬರಲಿಲ್ಲ. ಪ್ರಚಾರಕ್ಕಾಗಿ ಈ ಕಾರ್ಯಕ್ರಮವನ್ನು ಮಾಡಿರಲಿಲ್ಲ, ಆದರೆ ಅಷ್ಟೂ ಮಾಧ್ಯಮದವರು ಬೇಕು ಬೇಕಾದಂಗೆಲ್ಲಾ ಕಿರಿ ಕಿರಿ ಮಾಡಿ ಫೋಟೋ ಕ್ಲಿಕ್ಕಿಸಿ ಮಾಹಿತಿ ಪಡೆದುಕೊಂಡು ಹೋಗಿದ್ದು ಹಾಗೂ ಕೆಲ ಮಾಧ್ಯಮದವರು ಮುಖಪುಟದಲ್ಲೇ ಕಾರ್ಯಕ್ರಮ ವರದಿ ಬರುವುದೆಂದು ಹೇಳಿದ್ದು ನಮಗೆ ಆಸೆ ಹುಟ್ಟಿಸಿತ್ತು.

ಹಲವಾರು ಜನಪರ ಪ್ರತಿಭಟನೆ ಹೋರಾಟಗಳನ್ನು ಸಂಘಟಿಸಿದ್ದ ಸಂಘಟಕರಿಗೆ ಈ ರೀತಿಯ ಮಾಧ್ಯಮದವರ ನಡುವಳಿಕೆ ಸಾಮಾನ್ಯವೇ ಎನ್ನಿಸಿತ್ತು ವಿಶೇಷವೇನೂ ಇರಲಿಲ್ಲ. ಆದರೆ ತಮ್ಮದೇ ಜಂಜಾಟದ ಬದುಕಿನ ನಡುವೆ ಒದ್ದಾಡುತ್ತಾ ಎಲ್ಲಾ ನೋವುಗಳನ್ನು ನುಂಗಿಕೊಂಡು ಫಳಕ್.. ಫಳಕ್.. ಎಂದು ಮುಖಕ್ಕೆ ಬಡಿದ ಮಾಧ್ಯಮದವರ ಕ್ಯಾಮರಾ ಬೆಳಕು ಸಾಮಾನ್ಯ ಕಾರ್ಯಕರ್ತರ ಕನಸುಗಳ ಮೇಲೆ ಬರೆ ಹಾಕಿತ್ತು.

ಅಲ್ಲಾ ಅಣ್ಣಾ.. ಅಷ್ಟು ಜನ ಬಂದು ಹಂಗ್ ನಿಂತ್ಕೊಳ್ಳಿ ಹಿಂಗೆ ನಿಂತ್ಕೊಳ್ಳಿ.. ನಾಳೆ ಪೇಪರ್ ನೋಡಿ ನಿಮ್ಮ ನ್ಯೂಸ್ ಫೋಟೋ ಬಂದಿರುತ್ತೆ ಅಂತೆಲ್ಲಾ ಹೇಳಿ.. ಒಂದು ಲೈನೂ ಬರ್ದಿಲ್ಲ.. ಯಾಕೆ?

ನಾವು ತಪ್ಪು ಮಾಡ್ಲಿಲ್ಲಾಂದ್ರೂ ಕಳ್ಳ್ರು ಅಂತ ಪೊಲೀಸೋರು ಎಳ್ಕೊಂಡೋಗಿ ನಾವು ಬೇಡ ಅಂದ್ರೂ ಸ್ಲೇಟ್ ಹಿಡ್ಸಿ ಫೋಟೋನ ದೊಡ್ಡ ದೊಡ್ಡದಾಗಿ ಹಾಕ್ತಾರೆ.. ಆದ್ರೆ ನಾವು ಕುಡಿಯೋದು ಎಲ್ಲಾ ಬಿಟ್ಟೂ ಒಳ್ಳೇ ಕೆಲಸ ಮಾಡಿದ್ರೆ ಯಾಕೆ ಹಾಕಲ್ಲಾ?..

ಅವರುಗಳ ಪ್ರಶ್ನೆಗಳಿಗೆ ನಮ್ಮಲ್ಲಿ ಉತ್ತರವಿರಲಿಲ್ಲ. ಈ ಸಮಾಜ ಬಡವರು ತಪ್ಪು ಮಾಡಿದಾಗ ಕಳ್ಳರಂತೆ ಚಿತ್ರಿಸುವುದಕ್ಕೆ ಕೊಡುವಷ್ಟು ಪ್ರಾಮುಖ್ಯತೆಯನ್ನು ಅವರ ತ್ಯಾಗ ಸಾಧನೆಗಳಿಗೆ ಯಾಕೆ ಕೊಡುವುದಿಲ್ಲ!. ಶ್ರೀಮಂತರ ನಾಯಿ ಕಳೆದು ಹೋದರೆ ಡಾಗ್ ಷೋಗೆ ನೀಡುವ ಮುತುರ್ವಜಿ ನೂರಾರು ಬಡ ಕಾಮರ್ಿಕರು ಕಟ್ಟಡ ಕಟ್ಟುವಾಗ ಚರಂಡಿ ಸ್ವಚ್ಛಗೊಳಿಸುವಾಗ ಪ್ರಾಣಬಿಟ್ಟರೂ ಕೊಡುವುದಿಲ್ಲ ಯಾಕೆ?.
 
ಓಹೋ ಪತ್ರಿಕೆಗಳನ್ನು ನಡೆಸುವವರು ಓದುವವರು ಕೇವಲ ಶ್ರೀಮಂತ ವರ್ಗದವರೇ ಆಗಿದ್ದಾರೆ. ಹಾಗಾಗಿ ಪತ್ರಿಕೆಗಳು ಅವರ ಪರವಾಗಿಯೇ ಇವೆ ಅಲ್ಲವೇ!. ಬೆವರು ರಕ್ತ ಸುರಿಸಿ ಮರಗಳನ್ನು ಬೆಳಸಿ ಕೂಯ್ದು ಕಾಗದ ತಯಾರಿಸಿ ಯಂತ್ರಗಳನ್ನು ತಯಾರಿಸಿ ಮಸಿಯನ್ನು ತಯಾರಿಸುವ ಹಾಗೂ ಇವರ ಕಛೇರಿಗಳನ್ನು ಸ್ವಚ್ಛಗೊಳಿಸುವ ಬಡವರಿಗೆ ಯಾವ ಅಧಿಕಾರವಿದೆ ಅಲ್ಲವೇ?.
 
 ಈ ಪ್ರಶ್ನೆಗಳು ಹಲವು ತಿಂಗಳುಗಳ ಕಾಲ ನಮ್ಮ ಹೃದಯಗಳನ್ನು ಮೆದುಳುಗಳನ್ನು ಹಿಂಡಿ ಹಿಂಡಿ ಕಾಡಿದವು. ಕೊನೆಗೆ ಎಲ್ಲಾ ಮಾಧ್ಯಮಗಳ ವಿರುದ್ಧ ಪ್ರತಿಭಟನೆಯನ್ನು ಹಮ್ಮಿಕೊಳ್ಳೋಣ ಎಂಬ ಸಲಹೆಗಳೂ ಬಂದವು. ಆದರೆ ಪ್ರಚಾರ ಬಯಸದ ನಮಗೆ ಅದು ಸೂಕ್ತವಾಗಿರಲಿಲ್ಲ. ಅಲ್ಲದೇ ನಮಗೆ ಯಾರ ದಾಕ್ಷಿಣ್ಯವೂ ಬೇಡವಾಗಿತ್ತು. ಕಾರ್ಯ ಮುಖೇನ ಉತ್ತರವನ್ನು ನೀಡುವ ಛಲವನ್ನು ಹುಟ್ಟು ಹಾಕಿತು.

ಜನಪರ ಕಾರ್ಯಗಳು

ಕಿಲೋಸ್ಕರ ಫೌಂಡ್ರಿಯ ಸ್ೞ ಚ್ಚತೆ

ಇದು ರಾಷ್ಟ್ರೀಯ ಹೆದ್ದಾರಿ ೪ರಲ್ಲಿರುವ , ವೆಸ್ಟ್ ಆಫ್ ಕಾರ್ಡ್ ರಸ್ತೆಯ ಇಸ್ಕಾನ್ ದೇವಾಲಯದ ಮುಂಭಾಗದಲ್ಲಿರುವ ಸಣ್ಣ ಕೊಳಗೇರಿ. ಇದು ಜನಾಸ್ತ್ರ ಸಂಘಟನೆಯ ಜನ್ಮಭೂಮಿ. ಸಂಘಟನೆಯ ಹೆಚ್ಚಿನ ಸದಸ್ಯರು ವಾಸಸ್ಥಳ. ಇಲ್ಲಿ ಜನಾಸ್ತ್ರ ಸಂಘಟನೆ ಹಲವು ಜನಪರ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುತ್ತಿದೆ.

ಇಲ್ಲಿರುವ ಕುಡಿಯುವ ನೀರಿನ ಟ್ಯಾಂಕ್ ಆಡಳಿತ ಜನರ ನಿರ್ಲಕ್ಷ್ಯದಿಂದ ಅದರೊಳಗೆ ಸಾರಾಯಿ ಪಾಕೇಟ್ ಕಡ್ಡಿ ಕಸ ಇತ್ಯಾಧಿ ಬಿದ್ದು ನಾರುತ್ತಾ ರೋಗದ ಮನೆಯಾಗಿತ್ತು. ನೀರಿನ ನಲ್ಲಿಗಳು ಮುರಿದು ಹೋಗಿದ್ದವು. ಹೊರಚೆಲ್ಲುವ ನೀರು ಹೋಗಲು ಸರಿಯಾದ ಚರಂಡಿ ವ್ಯವಸ್ಥೆಯಿಲ್ಲದೆ ರಸ್ತೆಗೆ ಹರಿದು ರಸ್ತೆ ಪೂರ ಕೊಚ್ಚೆಯಾಗಿತ್ತು. ಟ್ಯಾಂಕ್ನ ಸುತ್ತ ಮುತ್ತ ನೀರು ನಿಂತು ಸೊಳ್ಳೆ ಹಾವಳಿಯಿತ್ತು. ಇದನ್ನು ಮನಗಂಡ ಸಂಘಟನೆಯ ಸದಸ್ಯರು ಪ್ರತಿ ಮನೆಯಿಂದ 1 ರೂ ಸಂಗ್ರಹಿಸಿ ಕುಡಿಯುವ ನೀರಿನ ಟ್ಯಾಂಕನ್ನು ಪ್ರತಿ ಮೂರು ತಿಂಗಳಿಗೊಮ್ಮೆ ಸ್ವಚ್ಛ ಮಾಡಲಾಗುತ್ತದೆ.

ಸಾಲುಮರ: ಹಲವಾರು ಗೆಳೆಯರ ಸಹಕಾರದೊಂದಿಗೆ ಸಾಲು ಸಾಲು ಮರಗಳನ್ನು ನೆಡಲಾಗುತ್ತಿದೆ. ಕೆಲವು ತಿಂಗಳ ಹಿಂದೆ ರಸ್ತೆ ದುರಸ್ತಿಯ ಸಂದರ್ಭದಲ್ಲಿ ಗಿಡಗಳು ನಾಶವಾದವು. ಮತ್ತೆ ಹೊಸ ಸಸಿಗಳನ್ನು ನೆಡಲಾಗಿದ್ದು, ಅವುಗಳಿಗೆ ಸರಿಯಾದ ಪೋಷಣೆಯನ್ನು ನೀಡಲು ಕಾರ್ಯಪ್ರವೃತ್ತರಾಗಿದ್ದೇವೆ.

ರಸ್ತೆ ಸ್ವಚ್ಚತೆ : ರಸ್ತೆಯ ಬದಿಯಲ್ಲಿ ಬೆಳೆದ ಗಿಡ ಗಂಟೆಗಳನ್ನು ಕಿತ್ತು ಮುಳ್ಳು ಗಿಡಗಳನ್ನು ಸುಟ್ಟು ನೈರ್ಮಲ್ಯ ಕಾಪಾಡಲು ಮಕ್ಕಳು ಯುವಕರು ದುಡಿಯುತ್ತಿದ್ದಾರೆ.

'ಮನೆ ಮನೆಗಳನ್ನು ಸ್ವಚ್ಛಗೊಳಿಸೋಣ ನಾಡನ್ನು ಹಸಿರು ಮಾಡೋಣ'